جیسمیمده گنه دیرچه لیری جان یوموراقی
قدرت یئتیریر قلبیمه ، ایمان یوموراقی
عادت ائله مک منده، بئله بنده چتین دیر
گؤرستمه لییم تولکویه اصلان یوموراقی
انگین یاراما دوز باسیلیر اؤز دنیزیمدن
دردین دنینی تاپدالا ، درمان یوموراقی
ای سئل گوجونون آبیده سی خائن اؤنونده
ای تورک ائلینین فخری کاظم خان یوموراقی
قویماز دره بی لر دره لرده سو دیکلسین
باغلی بره لر ییخماسا ، عصیان یوموراقی